“Ötən mövsümkü uğurdan sonra heyəti qoruya bilmədik. Bəzi əsas oyunçular aramızdan ayrıldı. Başqa futbolçular gəldi. Açığı, yeni gələnlər komandaya uyğunlaşmaqda çətinlik çəkdilər. Bir-birinin ardınca uğursuz nəticələr əldə etdikcə, komandanın özünəinamı və motivasiyası azaldı. Psixoloji çətinliklər də əlavə olununca bu mövsüm nəticələr istədiyimiz kimi olmadı. Hərçənd elə qarşılaşmalar da oldu ki, məğlubiyyətə layiq deyildik. Rəqibdən daha yaxşı oynayıb xal qazana bilmədiyimiz matçlar da oldu. Bununla belə, komanda yoldaşlarımın yaxşı niyyətinə şübhə etmirəm. Həftəsonu “Beşiktaş”la oynayacağıq və bu görüşün motivasiyası tam fərqli olacaq. Uğursuz dönəmdən çıxmaq üçün gözəl fürsətdi. İşlər qaydasında getməyəndə hamı bir-birini günahlandırır. Amma mən günahkarı axtarmağın əleyhinəyəm. Komanda yoldaşlarım üçün mübarizə aparmaqdan vaz keçməyəcəm. Dediyim kimi, problemimiz uyğunlaşma ilə bağlıdı. Komandada 5-ci mövsümümü keçirirəm. İlk 4 mövsümdə yaxşı performans sərgiləmişdim. Mövsümün əvvəlləri həmişə mənim üçün çətin keçir. Sonradan toparlanıram. Bu mövsümün əvvəlində “Antalyaspor”la oyundakı zədəm məni geri saldı. “Kopenhagen”lə oyuna zədəmi tam sağaltmadan çıxmalı oldum. Mənim üçün ortada faciəvi bir durum yoxdu. Futbol kollektiv idman növsüdü. Komanda pis oynayırsa, qapıçı da pis çıxış edir. Qapıçı lap yaxşı çıxış etdikdə belə, bunu təkbaşına etmir. Komandanın hesabına edir. Ona görə də bu uğursuz nəticələrə görə hər birimiz eyni dərəcədə məsuliyyət daşıyırıq. Avropada oynamaq hədəfimdən vaz keçməmişəm. Bəziləri məni ayrılmaq istəməkdə günahlandırır. Amma burda qalmaq üçün necə fədakarlıqlar etdiyimi, necə təklifləri geri çevirdiyimi əvvəlki başqanlar gözəl bilir. Həmişə klubun mənafeyini düşünərək hərəkət etmişəm. Çünki şəhərimi və klubumu sevirəm. Ötən il yığmada əsas qapıçı mən idim. Builki matçlarda ehtiyatda qalmağım mənə qəribə gəldi. Başa düşmürəm ki, futbolçu çempionatdakı performansına görə qiymətləndirilir, yoxsa yığmadakı performansına görə? Çünki indiyə qədər yığmada heç bir matçda zəif performans sərgiləməmişəm. Əsas heyətdəki yerimi itirməyə layiq olduğumu düşünmürəm. Yox, futbolçulara çempionatdakı performansa görə qiymət verilirsə, onda öz klubunda start heyətində oynamayanların yığmada ilk “11-lik”də oynaması da mənə qəribə gəldi”.