Türkiyədə növbəti futbol mövsümünün başlayacağı və bitəcəyi tarixlər məlum olub.

"Football-plus.az" xəbər verir ki, Türkiyə Futbol Federasiyasının idarə heyətinin dünənki toplantısında bu məsələ müzakirə olunub. Federasiyanın qərarına görə superliqada 2023/24 mövsümü avqustun 11-14-ü aralığınd keçiriləcək oyunlarla start götürəcək. “Futbol ili”nə 2024-cü ilin mayın 19-da yekun vurulacaq. İlk dövrənin bitəcəyi, eləcə də ikinci dövrənin başlayacağı tarixlər və mövsümün planlaşdırmasına aid başqa detallar isə daha sonra açıqlanacaq. Yeri gəlmişkən, dünən federasiya ilə Klublar Birliyi arasında da bir toplantı keçirilib. Toplantının gündəm maddəsi legioner limiti olub. Limitlə bağlı tam yeni qərarların qəbul olunacağı və İngiltərədəki modelin tətbiq olunacağı gözlənilir. Növbəti sayımızda bu mövzuya daha geniş toxunacağıq.