"Füzuli" "Xan Lənkəran"la matçda meydana çıxmayacaq? - Baş məşqçi açıqladı
"Öncə rəqibi təbrik edirəm. Maraqlı oyun oldu. Əsasən də 2-ci hissə daha maraqlı idi. Oyuna ehtiyatlı başladıq. Rəqib Region Liqasının top-komandasıdı, çempionluğa bir nömrəli namizəddi. Geridönüş çətin olacaq. Amma yenə də sonadək oynayacağıq".
Bu sözləri "Football-plus.az"a açıqlamasında "Füzuli"nin baş məşqçisi Vasif İsmayılov deyib. Çalışdırıcı Region Liqasının 1/4 finalının ilk matçında "Xan Lənkəran"a 1:3 məğlub olmaqlarını şərh edib. Bölgə təmsilçisinin məşqçisi cavab matçında meydana çıxacaqlarını bildirib:
"Köməkçi məşqçi əsəbdən "Lənkərana getməyəcəyik" deyib. Elə şey yoxdu. Nəticə nə olur-olsun, gedib oynayacağıq. Meydana çıxmağımın səbəbi odu ki, rəqibin futbolçusunun “sarı”sı var idi. Penalti epizodunda “sürüşmə” fəndi ilə oyunçumuzu saxladı. Amma referi ona “sarı” vermədi. Eyni epizod "Ağsu Siti" ilə oyunumuzda olmuşdu. Xəyal Quliyev birbaşa qırmızı vərəqə almışdı. O epizodda qırmızı vərəqə verilsəydi, oyun daha maraqlı ola bilərdi. 0:3 uduzuruq, rəqibdə 2-3 baş güclüdü. "Niyə vermirsən bu kartı" deyirdim. Hakimləri də qınamıram. O qədər boş tribuna qarşısında oyun idarə ediblər ki, bəlkə də dolu tribuna qarşısında özlərini itirirlər. Rəqibin güclü olduğu ilə razılaşıram. Sadəcə, o epizodda “qırmızı” göstərilsəydi, oyunun axarı dəyişə bilərdi, cavab görüşü daha maraqlı alınardı. Belə oyunlara daha təcrübəli hakimlərin təyinat alması yaxşı olardı. Hakim elə şərait yaratdı ki, ikinci hissədə sərt oyun getdi. Rəqib və bizim futbolçular zədələnə bilərdi".
GÜNAY VƏLİYEVA
Digər xəbərlər
