Stadiona Hakiminin adı verildi
Mərakeşin Əl-Kasr əl-Kəbir şəhərindəki stadiona Əşrəf Hakiminin adı verilib. Bu barədə “Afrikanews” agentliyi məlumat yayıb.
Əl-Kasr əl-Kəbir Madriddə anadan olan 24 yaşlı futbolçunun anasının məmləkətidi. Hakimi şəhər rəhbərliyi tərəfindən onun şərəfinə təşkil edilən mərasimdə şəxsən iştirak edib. Şəhərin sakinləri futbolçunu gül-çiçək, mahnı və rəqslər ilə qarşılayıb. Tarixində ilk dəfə dünya çempionatının yarımfinalına qədər irəliləyən Mərakeş millisinin və PSJ-nin müdafiəçisi açılış mərasimində bu fikirləri dilə gətirib:
“Adımı daşıyan stadionun açılışı mənim üçün böyük şərəfdi. Mənə dəstəyinə və sevgisinə görə şəhər bələdiyyəsinə, həmçinin yerli sakinlərə təşəkkür edirəm. Qəlbimdə xüsusi yeri olan bu şəhərə qayıtdığıma, sizlərin, ailəmin və qohumlarımın yanında olduğuma görə çox sevinirəm. Hər şeyə görə sağ olun”.
Digər xəbərlər
