“Brayton”un üzvü Deniz Undav qışda komandasını dəyişə bilər.

Football-plus.az xəbər verir ki, 26 yaşlı hücumçu ilə 2 klub yaxından maraqlanır. Söhbət Bundesliqa təmsilçisi “Herta” (Berlin) və superliqada mübarizə aparan “Qalatasaray”dan gedir.

Almaniya klubu forvardı “Brayton”dan almaq niyyətindədi. İstanbul nəhəngi isə 26 hücumçu 1,5 illiyinə icarə götürmək istəyir.

Qeyd edək ki, Deniz bu mövsüm İngiltərə premyer-liqasında 8 matçda cəmi 93 dəqiqə meydanda olub. Kubok görüşlərində isə 2 oyunda şans əldə edib və 1 qol vurmağı bacarıb.

Hücumçu 2021/22 mövsümdə “Yunion”un (Brüssel) heyətində 27 qol vurub, 13 məhsuldar ötürmə etmişdi. Bu nəticəyə görə Belçikada ilin ən yaxşı futbolçusu adına layiq görülmüşdü.