“Qalatasaray”ın üzvü Saşa Boey karyerasını Fransada davam etdirə bilər.

Football-plus.az xəbər verir ki, fransalı müdafiəçi ilə “Lyon” yaxından maraqlanır.

Buna səbəb komandanın üzvü Malo Qyustonun “Yuventus”a transfer olunmaq ehtimalıdı. 19 yaşlı futbolçu Turin təmsilçisinə keçsə, “Lyon” Saşa Boeyi rənglərinə bağlayacaq.

Fransa klubunun əsas skautu olan Bryuno Şeyru baş məşqçi Loran Blanın istəyindən sonra “Qalatasaray”la danışıqlara başlayıb. “Lyon” İstanbul nəhənginə 8 milyon avro təklif etsə də, “sarı-qırmızılar” bunu rədd edib.

Qeyd edək ki, Saşa Boey bu mövsüm “Qalatasaray”ın heyətində 13 görüşdə meydana çıxıb.