“Qarabağ”ın son oyunda Almaniya təmsilçisi ilə qarşılaşdı.

Football-plus.az xəbər verir ki, bu üzdən həmin ölkənin mediasına nəzər saldıq. Həmkarlarımız Bakıda qeydə alınan nəticəni necə qiymətləndirir?

Sport.de.

“Frayburq” Avropa Liqasında qrup mərhələsi başa çatandan sonra Kevin Şade üçün narahatdı. “Qarabağ”la 1:1 bitən görüşdə cinah oyunçusu kobud qayda pozuntusundan sonra zədələndi. Şade çox sürətli idi. “Qarabağ” oyunçuları daha nə edəcəklərini bilmədiklərindən ona qarşı iki dəfə kobud oynadılar. Şade Bəhlul Mustafazadənin ilk kobudluğundan sonra zədələnməyərək epizoddan “sağ” çıxdı. Lakin qırmızı vərəqə ilə meydandan qovulan Kevin Medinanın zərbəsindən sonra 20 yaşlı futbolçu zədə səbəbindən əvəzlənməli oldu... “Frayburq” böyük rotasiyaya baxmayaraq, 1/8 final mərhələsinə məğlubiyyətsiz yüksəldi. Kristian Ştrayxın komandası “Qarabağ”la keçirilən qrup oyununda 1:1 hesablı mənasız heç-heçə ilə qrupu 14 xalla lider başa vurub. Oyuna 10 yeni futbolçu ilə başlayan "Frayburq" üstünlük qazanmağa çalışsa da, meydan sahibləri daha aqressiv davranaraq təşəbbüsü dərhal ələ aldılar. “Frayburq”un oyunu bir az sakitləşdirməsi üçün təxminən 20 dəqiqə lazım oldu. Uzun topdan sonra Şade rəqibini, demək olar ki, geridə qoydu. Lakin Mustafazadə onu sərt şəkildə dayandırdı. Petersen isə penaltini soyuqqanlı şəkildə qola çevirdi. Öndə olan "Frayburq" yenidən geri çəkildi. Lakin ağdamlılar nadir hallarda ümidverici şanslar yarada bildilər. Fasilədən sonra “Frayburq” bir neçə şok an yaşadı. Əvvəlcə VAR hakimi ağdamlıların xeyrinə verdiyi penalti qərarını ləğv etdi. İki dəqiqə sonra VAR Veşoviçin tarazlığı bərpa edən qolunu geri qaytardı. Bundan başqa, Medina da Şade ilə çətin sınaqdan sonra meydandan qovuldu.

Kicker.de.