"Frayburq"un baş məşqçisi şikayətləndi - “Futbol, futbol, futbol"
“Qarabağ”ın Avropa Liqasının qrup mərhələsindəki rəqiblərindən olan “Frayburq”un baş məşqçisi Kristian Ştrayx açıqlama verib.
"Football-plus.az" xəbər verir ki, mütəxəssis sıx qrafikdən narazılıq edib:“Futbol, futbol, futbol. Yeyin, yatın, yenə futbol. Sıx qrafikdəyik. Buna baxmayaraq, bunun bir sevinc olduğunu görürük. Eyni vaxtda 3 fərqli turnirdə yarışmağın nə demək olduğunu dərk etməliyik”.
“Frayburq” sabah Bundesliqanın 5-ci turunda “Bayer”in qonağı olacaq. Almaniya klubu 5 gün sonra isə Avropa Liqasında “Qarabağ”ı qəbul edəcək.
