İtaliyanın məşhur “Gucci” dəb evi “Formula-1” üzrə dünya çempionatında mübarizə aparan “Alpin” komandasının titul sponsoru olacaq. İtaliya şirkəti artıq bu komanda ilə müqavilə imzalayıb. Gələn il Fransa komandasının həm adı, həm də bolidin ənənəvi rəngləri dəyişəcək.

"Football-plus.az" xəbər verir ki, 2027 mövsümündən komanda rəsmi şəkildə belə adlanacaq: “Gucci Racing Alpine Formula One Team”. Buna qədər komandanın titul sponsoru suyun təmizlənməsi ilə məşğul olan BWT (Best Water Technology) şirkəti idi. Komandanın yeni rəngləri hələ təqdim olunmayıb, bununla belə, “Alpin”in yaydığı press-relizdə “Gucci”nin ənənəvi qara-qızılı rənglərinə üstünlük veriləcəyi bildirilir.

“Alpin”in baş deirektory Filipp Krifin dediyinə görə, korporativ rəngləri də saxlamaq niyyətindədilər. “Alpin”in icraçı müşaviri Flavio Briatore isə yeni sövdələşməni belə şərh edib:

“The Race”in yaydığı xəbərə görə, “Gucci” əməkdaşlıq çərçivəsində hər il 50 milyon dollar ödəyəcək ki, bu da komandanın orta gəlirinin təxminən 20 faizini təşkil edəcək. Müqavilə 3 illiyə nəzərdə tutulub.

Press-relizdə “Alpin”in dəb evləri ilə əməkdaşlıq sahəsindəki uğurlu təcrübəsi də vurğulanır. 1986-cı ildə İtaliyanın brend geyim istehsalçısı “Benetton” komandanı aldı, “Alpin” 1995-ci ildə Mühəndislər kubokunu qazandı. Bu da Briatorenin fikridi:


Təbii ki, indi “Alpin”in mümkün çempionluğundan danışmaq artıq olardı. Komanda 2020-ci ildə “Reno” adını “Alpin”ə dəyişəndən bəri yalnız bir dəfə Mühəndislər kubokunda ilk “4-lüy”ə düşüb. “Alpin” ötən mövsüm, ümumiyyətlə, sonuncu olub: pilotlar 24 mərhələ ərzində cəmi 22 xal toplayıb. Düzdü, bu il nəticələr önəmli dərəcədə yaxşılaşıb. Çoxları bunu “Mersedes” mühərriklərinə keçidlə bağlayır. Pyer Qasli ilə Franko Kolapinto ilk beş mərhələdə 35 xal toplamaqla “Alpin”i ümumi hesabda 5-ci yerə çıxarıb.

Komandanın icraçı müşaviri uğurlu startı məhz yeni titul sponsoru ilə bağlayır, hərçənd müqavilə növbəti ildən qüvvəyə minəcək. Növbəti dəfə Briatoreni dinləyək: