"Araz-Naxçıvan" niyə "Kayrat"la bacarmayıb? - AÇIQLAMA
Futzal üzrə Çempionlar Liqasında Azərbaycanı təmsil edən "Araz-Naxçıvan" dünən yoxlama oyunu keçirib.
Komanda Bakıda Qazaxıstan təmsilçisi "Kayrat" la qarşılaşıb və 3:8 hesabı ilə uduzub. 2 zədəli futzalçımız bu oyunda iştirak etməyib. Komandalar arasında bu günə nəzərdə tutulan görüş də qarşılıqlı razılığa əsasən ləğv olunub.
Görəsən, böyükhesablı məğlubiyyətin səbəbi bu olub? Bu haqda məlumat almaq üçün klubun vitse-prezidenti Mahmud Sadıqovla əlaqə saxladıq. Onun "Football-plus.az" saytına açıqlaması belə oldu:"Yoldaşlıq görüşü idi. Sona 4 dəqiqə qalmış hesab 3:5 idi. Bu matçda da bir neçə oyunçumuz zədələndi. Mən də artıq bu vəziyyətdən qorxmağa başladım. Məşqçi də belə qərar verdi ki, qalan futzalçıları oyundan çıxarsın. Onların əvəzinə gənclər meydana çıxdı. Məhz bundan sonra daha 3 qol buraxdıq. Qarşımıza qələbə qazanmaq məqsədi qoymamışdıq. Əsasən taktiki gedişlərin tətbiqi üçün bu matçı təşkil etdik. Baş məşqçi ilk hissədə oyunu gördü, səhvləri aşkarladı. Ona görə də risk etmədik. Rəqib isə tam heyətlə oynadı. Ona görə son dəqiqələrdə daha 3 qol buraxdq".
ŞAİR ABDULLA
Digər xəbərlər
