Futzal üzrə Azərbaycan çempionu "Araz-Naxçıvan"ın Qazaxıstanın “Kayrat” klubu ilə keçirməli olduğu ikinci yoxlama görüşü ləğv olunub.

Football-plus.az federasiyanın mətbuat xidmətinə istinadən xəbər verir ki, buna hər iki komandanın baş məşqçisi qərar verib. Səbəb isə dünən keçirilən yoxlama matçında Naxçıvan klubunun futzalçılarının zədələnməsidi.

Azərbaycan çempionunun heyətində Katatau və Andreu Varqas zədələnərək matçı sona qədər davam etdirə bilməyiblər.

"Araz Naxıvan" ilk yoxlama görüşündə "Kayrat"a 3:8 hesabı ilə uduzub.