“Araz-Naxçıvan” Rövşənin qərarını gözləyir
“Torpedo” ilə mövsümün sonuna qədər müqavilə bağlayan futzal millimizin üzvü Rövşən Hüseynli Rusiya təmsilçisindən ayrıldı.
Maraqlıdı, təcrübəli qapıçı “Araz-Naxçıvan”a qayıdacaqmı? Bu haqda məlumat almaq üçün klubun vitse-prezidenti Mahmud Sadıqovla əlaqə saxladıq. Onun açıqlaması belə oldu: “Rövşənlə görüşdük. Hazırda “Araz-Naxçıvan”ın düşərgəsindədi. Amma ölkə xaricindən də bir-iki təklifi var. Qazaxıstan, İran və Rusiya klubları onunla maraqlanır. Lakin hələ ki ortada dəqiq bir şey yoxdu. Rövşən özü də legioner həyatı yaşamaq istəyir. Biz də ona mane olmaq istəmirik. Bu təkliflər onu qane etsə, icazə verəcəyik ki, getsin. Yox, qəbul etməsə, “Araz-Naxçıvan”da qalacaq. Təxminən 10 günə dəqiq bilinəcək. Onun qərarını gözləyirik. Bu üzdən başqa qapıçı ilə danışıq aparmırıq”.
ŞAİR ABDULLA
Digər xəbərlər
