“Medina “Qarabağ”a transfer olunanda da eyni söhbət olmuşdu. Məsələn, “Neftçi” Buqrini transfer edəndə də hamı narazılıq edirdi. Həmin komanda “Qarabağ”a qarşı oynayanda Buqrin ehtiyatda qalmışdı, sonradan oyuna daxil olmuşdu. Laval “Neftçi”yə gələnə kimi ciddi, səviyyəli futbol oynamamışdı. Bir çox nümunə çəkmək olar. O vaxt “Zirə”də çıxış edən Qadze var idi, Hindistandan gəlmişdi. Bizdə alınan transferlər top-klublardan gələn futbolçular deyil. Belə şeylər nadir hallarda olur. Başqalarından da soruşsaz, tək-tük adlar çəkəcəklər. Yadınıza gəlirsə, “Neftçi” ardıcıl çempion olduğu vaxt iki hücumçu gətirmişdi. Biri Bahadir Nəsimov, digəri də İsveçrə çempionatında bombardir olan Emil Mpenza. Nə oldu? Hansı oynadı? Hansıdan razı qaldıq? Elə olur ki, mənə oyunçu təklif edirlər. Baxıram, özüm bəyənmirəm. Görürəm ki, çətin “Qarabağ”a kömək edə. Adam utandığından kluba demək istəmir. O qədər belə təkliflər olur ki. Bu mövsüm belə oyunçuların 45-nin üstündən xətt çəkilib. Eyni sözlər başqa klublar üçün də keçərlidi. “Zirə”yə istəyəndə başqa, “Sabah”a başqa cür olur. O qədər futbolçu var ki, səviyyəsini adını çəkdiyim klublara layiq görmürəm. Gəlin razılaşaq ki, Azərbaycan futbolunun imici çox zəifdi. “Qarabağ”ın müəyyən ad-sanı var. Amma bu gün Konfrans Liqasının, Avropa Liqasının qrup mərhələsinə vəsiqə qazana bilməyən klublara gedən futbolçular bura gəlmir. Təbii ki, biz də AEK-in, PAOK-un verdiyi pulları təklif edirik. Mən 2 dəfə artıq maaş desəm, vəziyyət dəyişə bilər. Amma bu da başqa problemdi ki, bu futbolçuya nə dərəcədə dəyər? Puldan basıb, oyunçunun gözünü doyuzdurmaq da olmaz ki. Bu da olur Türkiyə metodu. Baxın, “Fənərbaxça”nın, “Qalatasaray”ın, “Beşiktaş”ın transfer dəyərinə, bir də “Qarabağ”ın uğurlarına. Hamını başa düşürəm. Bilirəm ki, nəsə alınmayıbsa, tənqidəlayiqdi. Amma bəzi reallıqları nəzərə almaq lazımdı”.