Bəs, həqiqət məhz budumu? Öz aramızdı, bəlkə baş məşqçinin məqsədi Elvinin formasını bərpa etməsi və daha baha qiymətə satılması üçün şəraitin yaradılmasıdı?
Bu suallarla müdafiəçinin meneceri Tural Əsgərliyə müraciət etdik. Onun “Football-plus.az”a cavabı:
“Düşünürsüz ki, Qurban Qurbanov futbolçular barədə qərarlarını, düşüncələrini mənimlə bölüşür? Bu sualı baş məşqçi cavablasa, daha yaxşı olar. Mən futbolçular, xüsusən müştərim olanlar haqda təxminlər üzərindən danışa bilmərəm. Belədi və ya belə deyil demək doğru olmaz. Bu gün o bəllidi ki, Elvin artıq “Qarabağ”ın əsas komandasındadı. Əlbəttə, sərfəli təklif olsa, başqa kluba transfer olunacaq. O başqa məsələ ki, burda da hər şey təkcə Elvindən yox, həm də “Qarabağ”ın qərarından asılıdı”.
Xatırladaq ki, müdafiəçinin “köhlən atlar”la müqaviləsinin müddəti gələn ilin yayında başa çatacaq.
KƏNAN BAHADIR
