Məşhur futbolçu klubsuz qaldı

Edinson Kavani gözlənilən aqibətlə üzləşib. O, “Boka Xuniors”dan ayrılıb.

"Football-plus.az" xəbər verir ki, 39 yaşlı hücumçunun Argentina klubu ilə müqaviləsi qarşılıqlı razılıq əsasında ləğv olunub. Edinson zədələr səbəbindən bu il “Boka Xuniors”un 2 oyununda meydana çıxıb. Təcrübli futbolçunun hələlik karyerasını başa vurmaq haqda düşünmədiyi bildirilir.

Kavani “Boka Xuniors”da 2023-cü ildən çıxış edirdi. Uruqvay yığmasının sabiq oyunçusu Avropada “Palermo”, “Napoli”, PSJ, “Mançester Yunayted” və “Valensiya”da da oynayıb.