“Qarabağ”ın Avropa Liqasının 1-ci təsnifat mərhələsindəki rəqibi “Vestri” İslandiya çempionatında meydana çıxıb.

“Football-plus.az”ın məlumatına görə, 10-cu tur matçında “Aftureldinq”i qəbul edən komanda 2:0 hesablı qələbə qazanıb. Qolları Dua (72) və Hermansson (90+3) vurub.

“Vestri”nin baş məşqçisi Daniel Osafo-Badu bu matçda da 15-ci turdan irəli çəkilən “Aegir”ə qarşı oyunda (2:0) şans verdiyi start heyətini meydana buraxıb: 1. Marvin Steynarsson, 22. Elmar Qardarsson (k), 12. Tibanq Phete (45. Gudmundur Pall Eynarsson, 71), 3. Edson Eduardo, 15. Qudmundur Svavarsson, 11. Yohannses Selven (27. Kriss-Albin Mörfelt, 71), 17. Qunnar Hauksson, 6. İbrahima Balde, 19. Emmanuel Dua (14. Birkir Eydal, 80), 10. Tordur Hafthorsson (77. Sergine Fall, 80), 23. Breki Hermansson.

Qələbə nəticəsində xalını 19-da çatdıran “Vestri” 3-cü pilləyə yüksəlib.

KƏNAN BAHADIR