Alleqri: “Gözəl futbol sərgiləyib qələbə qazanmamağı xoşlamıram”
Massimiliano Alleqri mövsümün hazırkı mərhələsində nəticənin baxımlı oyundan daha vacib olduğunu düşünür.
Təcrübəli mütəxəssis “Yuventus”un A seriyasında “Spetsiya” üzərində 2:0 hesablı qələbəsindən sonra fikirlərini belə izah edib: “Mövsümün hazırkı mərhələsində nəticə qazanmaq vacibdi. Çünki komandamız hələ optimal formaya düşməyib. Artıq həftə ərzində iki oyun keçirməyə başlamışıq. Komanda ilə tanış olmaq asan deyil, ona görə ki, heyətdə yeni oyunçular kifayət qədərdi. Oyuna nəzarət planında “artırmalıyıq”. İlk 25-30 dəqiqədə əla təsir bağışlayandan sonra bir neçə dəfə adi vəziyyətlərdə top itkisinə yol verdik. Oyunumuzun səviyyəsinə görə üzərimdə təzyiq hiss edirəm? Dediyim kimi, ilk oyunlarda lazımi nəticə daha vacibdi, bir müddət sonra qələbəni daha yaxşı oyun sərgiləməklə qazanarıq. “Yuventus” ötən mövsümü titulsuz başa vurub. İndi bütün azarkeşlərin dəstəyinə daha çox ehtiyac duyur. Amma işlərimiz istənilən kimi getməyəndə tifozinin bizi fitə basması ədalətli olacaq. Baxımlı və effektli oyun arasında fərq var: effektiv olmaq lazımdı. Gözəl futbol sərgiləyib qələbə qazanmamağı xoşlamıram”.
Digər xəbərlər
