“Püşkün atılması ilə yeni mübarizənin start götürdüyünü elan edə bilərik” – Sənan Abdullayev
Bu gün “Holiday İnn” otelində Azərbaycan premyer-liqasının 2026/27 mövsümünün püşkatma mərasimi keçirilib.
“Football-plus.az” xəbər verir ki, mərasimdə qurumun Media və Marketinq Departamentinin rəhbəri Sənan Abdullayev açılış nitqini söyləyib:
“Hər birinizi salamlayıram. Yeni mövsümə avqustun 14-də verəcəyik. Məncə, püşkün atılması ilə yeni mübarizənin start götürdüyünü elan edə bilərik. Ötən mövsüm çox maraqlı, rəqabətli, bol azarkeşli matçlar izlədik. Ümid edək ki, bu mövsüm də belə olacaq. Avrokuboklarda mübarizə aparan klublarımız qələbə ilə başlayıb. Onları təbrik edir, uğurlar arzulayırıq”.
Qurumun texniki-idman direktoru Elgiz Abbasov püşkatma mərasimindən öncə komandalara uğur arzulayıb:
“2026/27 mövsümümünün ilk tədbirində xoş gördük. Sənan bəyin də vurğuladığı kimi, yeni mövsümə avqustun 14-də start veriləcək. Çempionatımız 3 dövrədən və 33 turdan ibarət olacaq. İlk olaraq 1-ci və 2-ci dövrəni biz, 3-cü dövrəni klub rəsmiləri seçəcək. Bildiyiniz kimi, 16 ev, 17 səfər oyunu və ya əksinə ola bilər. Bunu biz müəyyənləşdirəcəyik”.
Daha sonra o, Əsasnamə ilə bağlı yeniliklərdən danışıb:
“Klubların rəy və təkliflərini öyrənib, Əsasnamədə bəzi dəyişikliklər etmişik. Son illər stadionlarla bağlı addımlar atılıb. Bəzi stadionlarda süni işıqlandırma yoxdu. Bu isə çətinlik yaradır”.
İSRAYIL XEYRULLAYEV
Digər xəbərlər
