“Yaxşı oyun alındı. Uzun səfərə baxmayaraq, qələbə bizim üçün çox vacib idi. İki oyunun yekununda 6 qol vurub qol buraxmamağımız yaxşı nəticədi. Futbolçularımı təbrik edirəm. Bu, ilk mərhələ idi. Qarşıda bizi Bolqarıstan ÇSKA-sı gözləyir. Artıq sabahdan rəqibi daha yaxından öyrənməyə başlayacağıq. Çünki hələ çatışmazlıqlar var və növbəti oyuna daha yaxşı hazırlaşmalıyıq. Ancaq bu gün əvvəlki matçla müqayisədə hava şəraitini də nəzərə alsaq, daha diqqətli oynadıq. Qarşıdakı görüşə qədər vaxt var. İnanıram ki, növbəti matça daha yaxşı formada çıxacağıq. Həmçinin "Sabah"ı və "Zirə"ni də təbrik edirəm. Altı oyunda altı qələbə qazandıq. Bu nəticələr ölkəmizin reytinq xallarının artması baxımından çox önəmlidi. Bütün komandalarımıza uğurlar arzulayıram”.