"Potensial rəqiblər sırasında qarşılaşmaq istəmədiyim iki komandadan biri "Torpedo" idi"
"Rəqibin oyundan əvvəl sistemini dəyişməsi bizim üçün gözlənilməz oldu. Bir çox oyunlarını analiz etmişdik. Heç birində beşli müdafiə sistemi ilə oynamamışdı. Buna uyğunlaşmaq üçün vaxt lazım idi. Futbolçularım dəyişikliyə yaxşı reaksiya verdi. Dəqiqələr ötdükcə təşəbbüsü ələ ala bildik".
"Footblall-plus.az" xəbər verir ki, bu sözləri "Zirə"nin baş məşqçisi Rəşad Sadıqov "Torpedo"ya qarşı keçirilən oyundan sonra deyib. Konfrans Liqasının 1-ci təsnifat mərhələsinin cavab oyununda Kutaisi təmsilçisini məğlub edən "qartallar"ın çalışdırıcısı matçı belə dəyərləndirib:
"Çalışdıq ki, keyfiyyətli oyun nümayiş etdirək. Rəqibi təhlil edərkən görmüşdük ki, hər komponentdə üstündü. Olduqca vacib qələbə qazandıq. Üzərimizdə böyük məsuliyyət var idi. Komandamı, azarkeşləri, rəhbərliyi səmimi qəlbdən təbrik edirəm. Çox istəyirdik ki, azı birinci mərhələni adlayaq. Çox şükür, istəyimizə nail olduq".
Baş məşqçi "Torpedo"nun komandası üçün arzuolunmaz rəqib olduğunu deyib:
"Potensial rəqiblər sırasında qarşılaşmaq istəmədiyim iki komandadan biri "Torpedo" idi. Kutaisi təmsilçisinin çox təcrübəli məşqçi və futbolçu heyəti, tarixi ənənələri var. Yenə də hər şey bizim üçün uğurlu alındı.".
Rəşad Sadıqov Dirk Şusterin ünvanına səsləndirilən istefa şüarların haqda fikirlərini də bölüşüb:
"Torpedo"nun baş məşqçisi ilə yaxşı münasibətim yarandı. Ona çox böyük hörmətim var. Ünvanına səsləndirilən istefa şüarlarına görə məyus oldum. İndi növbəti rəqibi təhlil edəcəyik. "Paydes" haqqında məlumatım yoxdu. Avtobusa minən kimi bu komandanı araşdırmağa başlayacağıq".
Digər xəbərlər
