Azərbaycan 2026/27 mövsümü UEFA-nın assosiasiyalar reytinqində ilk pillədə qərarlaşıb.

"Football-plus.az" xəbər verir ki, bu, üç klubumuzun 1-ci mərhələdəki yüzfaizlik nəticələri sayəsində mümkün olub. “Sabah” Çempionlar, “Qarabağ” Avropa, “Zirə” isə Konfrans Liqasında keçirdiyi hər iki matçda qələbə qazanıb.

Beləliklə, Azərbaycanın 3 klubu ilk mərhələdə keçirdiyi ümumən 6 oyunun hamısında rəqiblərini məğlubiyyətə uğradıb və 6,000 əmsal qazanıb. Azərbaycan avrokuboklarda 4 komanda ilə təmsil olunduğundan (“Neftçi” Konfrans Liqasına 2-ci mərhələdən qoşulacaq) həmin əmsal 4-ə bölünüb. Yekun nəticədə ölkəmizin hesabına daha 1,500 əmsal yazılıb ki, bu da birinci mərhələdən sonra ən yaxşı göstəricidi.

Maraqlıdı ki, hələlik reytinqdə ikinci yeri Andorra tutur. Bu ölkənin klubları ümumən 4500 əmsal (3-ə bölünməklə 1500) qazana bilib.

Mövsüm yeni başladığından sıralamada dəyişikliklər olacaq.

Son 5 mövsümün nəticələrinə əsasən hazırlanan siyahıda isə Azərbaycan 26-cı yerdəki mövqeyini möhkəmləndirib və əmsal ehtiyatını 20,062-ə çatdırıb. 25-ci yeri tutan İsrailin 20,750, 27-ci yerdə qərarlaşan Bolqarıstanın isə 18,562 xalı var.