"İzahat tələb edirik" - AÇIQLAMA
Xavi "Barselona"nın stadionunda "Ayntraxt"ın azarkeşlərinin sayından narazı qalıb.
"Football-plus.az" saytının məlumatına görə, Kataloniyada keçirilən Avropa Liqasının 1/4 mərhəsinin cavab oyununda Almaniya təmsilçisinin xeyli sayda- 30 min tərəfdarı olub. Bu səbəbdən də "Barselona" azarkeşlərinin bir hissəsi etiraz əlaməti olaraq tribunaları tərk edib.
Matçdan sonra açıqlama verən Xavi Hernandez bu halın onların oyunununa mənfi təsir etdiyini vurğulayıb:“Stadiondakı ab-hava bizə heç də kömək etmədi. Hər şey göz qabağındadı. Bu bizim oyunumuza da mənfi təsir etdi. Çox məyusedici haldı. Sanki neytral arenada final görüşünə çıxmışdıq. Futbolçularım da bu barədə fikirlərini bildirəcəklər. Paltardəyişmə otağı nə baş verdiyini bilmək istəyir. İzahat tələb edirik”.
Digər xəbərlər
