“Arsenal”ın premyer-liqada növbəti qələbəsi “Mançester Yunayted”in düşərgəsindəki həyəcanı bir qədər də artırıb.

MY mövsümün sonunda Çempionlar Liqasına vəsiqə qazanmasa, rəhbərlik bəzi futbolçuların maaşını azaldacaq. “The Athletic” qəzetinin məlumatında komanda mövsümü ilk “4-lük”də başa vura bilməyəcəyi halda bir sıra oyunçuların məvacibinin 25 faizədək azalacağı qeyd edilir. Bəzi futbolçuların müqaviləsində bununla bağlı maddə öz əksini tapıb. Komandada elə oyunçular da var ki, ÇL-ə vəsiqə qazanılmasa da, maaşları dəyişməyəcək. Onlardan biri yarımmüdafiəçi Pol Poqbadı. Yeri gəlmişkən, bir müddət əvvəl məlum səbəbdən Kriştiano Ronaldonun həftəlik maaşının 480 min funt sterlinqdən 360 minə düşəcəyi məlum olmuşdu.

“Yunayted” hazırda premyer-liqada 29 oyuna 50 xalla 5-ci yerdədi. 4-cü yeri tutan “Arsenal”ın 28 oyuna 54 xal topladığını da qeyd edək.