PFL-in saytında yayınlanan xəbərlərdə vacib məqam diqqətimizi cəlb etdi. Belə ki, qurum artıq ölkənin əsas futbol çempionatıyla bağlı informasiyalarda Azərbaycan premyer-liqası ifadəsinə yer verir. Yəni artıq çempionat Misli premyer-liqası adlanmır. Böyük ehtimalla, bu o deməkdi ki, PFL ilə “Misli” arasında sponsorluq müqaviləsinin müddəti başa çatıb.

Həqiqətən belədimi? Bəs, qurum “Misli” və ya başqa şirkətlərlə sponsorluq müqaviləsi üçün danışıq aparırmı?

Bu suallarla media və marketinq direktoru Sənan Abdullayevə müraciət etdik. “Football-plus.az”a açıqlama verən qurum rəsmisi sponsorluq müqaviləsinin başa çatdığını təsdiqlədi və əlavə etdi ki, “Misli” ilə növbəti mövsüm üçün əməkdaşlıq yönündə danışıqlar gedir.

Xatırladaq ki, “Misli” 2022-ci ildən bəri premyer-liqanın sponsorudu.

KƏNAN BAHADIR