"Yeni transferlərlə güclənməyə ehtiyacımız var " - Kaxaber Sxadadze
"Qəbələ"nin baş məşqçisi Kaxaber Sxadadze "Kəpəz"ə 2:1 hesabı ilə qalib gəldikləri yoxlama oyunu haqqında fikirlərini bölüşüb.
"Football-plus.az" klubun saytına istinadən xəbər verir ki, mütəxəssis matçı belə dəyərləndirib:
"Hazırlıq prosesinin ən çətin dövrüdü. "Yükləmələr" çox olur. Əlbəttə ki, futbolçularda yorğunluq var. Hər hissə 45 dəqiqə oynayırıq ki, bütün futbolçular fiziki yükləmələri alsınlar. Qalib gəldik, amma bu yoxlama oyunudu. Məqsəd güclü və zəif tərəflərimizi müəyyənləşdirmək idi. Bu gün bizim üçün ən vacib olan taktiki, mövqe oyunu idi".
Sxadadze yeni transferlərdən də söz açıb:
"Yeni transferlərimiz də ilk oyunlarını keçirdilər. Hələ ki onlar tam hazır deyillər. Təəssüf ki, bir çox legionerlər gələndə Azərbaycan çempionatının səviyyəsindən xəbərsiz olurlar. Onların məlumatı yoxdu ki, Azərbaycan premyer-liqasının səviyyəsi çox yüksəlib. Artıq bunu başa düşdülər və öz üzərlərində işləyirlər. Hazırlıq dövründə vaxtımız çoxdu, yaxşı işləməliyik. Yeni transferlərlə güclənməyə ehtiyacımız var və bunun üzərində iş gedir".
O, azarkeşlərə təşəkkür etməyi də unutmayıb:
"Bu mövsüm uğurlu nəticələrlə azarkeşlərimizi sevindirmək istəyirik. Yoxlama oyunu olmasına baxmayaraq, stadiona gəlib sonadək komandamızı dəstəkləyən azarkeşlərə təşəkkür edirəm".
Digər xəbərlər
