"Neftçi": açıq məşq və brifinq təşkil olunacaq

“Neftçi”nin yeni mövsüm öncəsi açıq məşqi təşkil olunacaq. Məşq iyulun 18-i, saat 18:00-da “Palms Sports Arena”da başlanacaq.

Komandanın hazırlığını canlı izləmək üçün “Forza Neftçi” Azad Azarkeş Qrupu ilə yanaşı, bütün azarkeşlərimizi tribunalarda gözləyəcəyik. Stadiona giriş sərbəstdi. Saat 16.00-dan etibarən “Palms Sports Arena”da yerləşən rəsmi mağazamız da qapılarını qonaqlar üçün açacaq. Azarkeşlərin ən geci saat 17:30-da stadionda olması tövsiyə edilir.

Açıq məşqə KİV nümayəndələri də dəvətlidi. Onlar üçün məşqdən əvvəl “Neftçi"nin baş icraçı direktoru Cenk Sümer və baş məşqçi Yuri Vernidubun iştirakı ilə brifinq təşkil ediləcək.