“Sabah” ölkənin aparıcı banklarından olan “Bank Respublika” ilə sponsorluq və əməkdaşlıq haqda yeni müqavilə bağlayıb.

“Football-plus.az” saytının məlumatına görə, sənədi “Bank Respublika”nın İdarə Heyətinin sədri Tariyel İsmayılov və “Sabah”ın prezidenti Maqsud Adıgözəlov imzalayıb. Anlaşmaya əsasən, klub Azərbaycan premyer-liqasının və ölkə kubokunun 2022/23 mövsümündə keçirdiyi bütün oyunlarda “Bank Respublika”ya məxsus əmtəə nişanları olan formalarda çıxış edəcək. Bundan əlavə, klubun ev oyunlarını keçirdiyi Masazırdakı stadion “Bank Respubika Arena” adlanmağa davam edəcək. Bank bu müddətdə stadionda özünün reklam materiallarının yerləşdirilməsində müstəsna hüquqlara malik olacaq.

Xatırladaq ki, “Bank Respublika” Açıq Səhmdar Cəmiyyəti ilə “Sabah” arasında əməkdaşlıq 2018-ci ildən davam edir.