''Mourinyo premyer-liqanı 3 dəfə qazanıb, mən isə 6 dəfə''
Premyer-liqanın 13-cü turunda ''Mançester Siti''nin səfərdə ''Liverpul''a 0:2 məğlub olduğu qarşılaşmada maraqlı bir olay yaşanmışdı.
''Liverpul'' fanatları Mourinyo üçün ''sabah qovulacaqsan'' təzahüratı səsləndirdiyi anda ünlü mütəxəssis onlara əli il ''6'' işarəsini göstərmiş və premyer-liqanı 6 dəfə qazandığına işarə vurmuşdu. Qvardiola bu hərəkəti ilə Joze Mourinyoya bənzədilmişdi. Mourinyo da ''Mançester Yunayted''i çalışdırdığı dönəmdə ''Stemford Bric''də sabiq klubu ''Çelsi''yə qarşı oyunda tribunalara ''3'' işarəsini göstərərək bu turnirin üçqat qalibi olduğunu xatırlatmışdı.
Qvardiola ''Nottingem Forest''lə oyunöncəsi mətbuat konfransında bir dönəm güclü rəqabət içində olduğu Mourinyoya bənzədilməsi mövzusunda bunları deyib:
''Onunla bənzərliyimiz var. Amma durumumuz eyni deyil. Çünki o, premyer-liqanı üç dəfə qazandığı halda mən altı dəfə qazanmışam. Bənzərlik budu ki, biz ikimiz də bu hərəkətlə insanlara bizim haqda düşündüklərindən daha yaxşı olduğumuzu göstərməyə çalışdıq''.
ƏLİ
