“Sabah” cütün taleyini birinci hissənin sonunda həll etdi. Ümumi hesab artıq 4:0 rəqibin xeyrinə idi. Xoşbəxtlikdən, akademiyamızın yetirməsi Coşua Lok təsəlli qoluna imza ata bildi. Düzdü, “Nyu Seynts” oyuna çox yaxşı başladı. Stas Pokatilov 4-cü dəqiqədən etibarən daha diqqətli olmağa məcbur oldu. Ancaq komandamızın hücumları fayda vermədi. Bəlkə də İvan Lepinitsa 12-ci dəqiqədə Eoyn Farrellə mane olmasaydı, hər şey başqa cür olardı. Həmin epizoddan sonra “Sabah”ın hücumları daha da kəskinləşdi. 28-ci dəqiqədə Coy-Lens Mikels Aaron Maludanın soldan cərimə meydançasına göndərdiyi topla “qıfılı sındırdı”. Fasilədən 3 dəqiqə əvvəl daha pis hadisə baş verdi. Timoteuş Puxaçın küncdən oyuna daxil etdiyi top bir neçə futbolçunun başla toxunuşundan sonra Rəhman Daşdəmirovun önünə düşdü. Müdafiəçi topu tora göndərməklə bizi həddən artıq çətin duruma saldı.

“Nyu Seynts” 2-ci yarıda çox çətin vəzifə ilə üz-üzə qalsa da, böyük əzmkarlıq göstərdi. Ancaq sonda xəyal qırıqlığı yaşadıq. 89-cu dəqiqədə rəqibin xətalı ötürməsi sayəsində Lok qol vurdu. Lakin artıq gec idi. Bəli, uduzduq, ancaq sərgilədiyimiz oyunla Konfrans Liqası üçün özünəinamımızı artırdıq”.