Premyer-liqanın 30-cu turundan təxirə salınan “Brayton”la oyun (3:0) Xosep Qvardiola üçün əlamətdar olub.

O, “Mançester Siti”nin baş məşqçisi kimi 250-ci qələbəsini qazanıb. “Opta Sports” statistika şirkətinin yaydığı məlumata görə, Qvardiola bu göstəriciyə 344 oyuna nail olub. Bu isə İngiltərənin yüksək liqasında çıxış edən klubları çalışdıran məşqçilər üçün rekord göstəricidi.

Bundan əvvəlki rekordun sahibi Joze Mourinyo idi. O, premyer-liqada “Çelsi”, “Mançester Yunayted” və “Tottenhem”i çalışdırdırmış və 250-ci qələbəyə 396-cı matçda sevinmişdi.