Çempionlar Liqasının 1-ci təsnifat mərhələsində “Nyu Seynts”i mübarizədən kənarlaşdıran “Sabah” növbəti mərhələdə KuPS (Kuopion Palloseura) ilə qarşılaşacaq. Bu komanda Şimali Makedoniya “Vardar”ına səfərdə ilk oyunda qalib gəlib (2:0), evdəki cavab matçında uduzub (2:3).

“Football-plus.az” Finlandiya klubu haqda ətraflı məlumatı diqqətinizə çatdırır.

KuPS Kuopio şəhərini təmsil edir. Söhbət Finlandiyanın ən çox sakini olan ikinci şəhərindən gedir. KuPS-un əsası isə 1923-cü ildə qoyulub. “Transfermarkt”da dəyəri 6,05 milyon avrodu. Kuopiolular 8 dəfə ölkə çempionu, 5 dəfə ölkə kubokunun, 1 dəfə Liqa kubokunun qalibi olublar. KuPS Finlandiya yüksək liqasının şərəf lövhəsində 4-cü pillədə yer alıb.

“Sabah”ın rəqibi ev oyunlarını 4778 tamaşaçı tutumuna malik “Vare Arena”da keçirir. 2008-ci ildən bəri yüksək liqada çıxış edən komanda “qızıl dövr”ünü 1950-70-ci illər aralığında yaşayıb. Maraqlıdı ki, KuPS 2017-ci ildən bəri bütün mövsümlərdə yüksək liqada ilk “üçlük”də yer alıb.

Rəqibi 34 yaşlı Mika Nutinen çalışdırır. Yerli mütəxəssis bu ilin yanvarından iş başındadı. Onun sərəncamında biri milli üzvü olan 29 futbolçu var ki, 17-si findi. Heyətin yaş ortalaması 25,6-dı.

KuPS-un avrokuboklardakı ən böyük uğuru ötən mövsüm Konfrans Liqasının liqa mərhələsində çıxış etməsi, ardından pley-offa vəsiqə qazanmasıdı. Ümumiyyətlə, bu komanda pley-offa yüksələ bilən ilk Finlandiya təmsilçisidi.

Xatırladaq ki, “Sabah” KuPS ilə ilk oyunu iyulun 21-i və ya 22-də evdə keçirəcək.

KƏNAN BAHADIR