Millətlər Liqasında çıxış etdiyi B liqasında öz qrupunu ikinci pillədə tamamlayan Türkiyə yığması məlum olduğu kimi A liqasına yüksəlmək üçün Macarıstanla pley-offda qarşılaşacaq.

İlk oyun martın 20-də Türkiyədə, ikinci oyun martın 23-də Macarıstanda keçiriləcək. Bu arada hər iki qarşılaşmanın stadionu artıq bəllidi. ''Ay-ulduzlular'' rəqibini ''Rams Park''da qəbul edəcək. Bu stadionda bilindiyi kimi ''Qalatasaray'' ev oyunlarını keçirir. Bununla da qardaş ölkənin komandası təxminən 2,5 illik fasilədən sonra İstanbulda ilk oyununu keçirəcək. Türkiyə bu şəhərdə sonuncu oyununu 2022-nin sentyabrında keçirmişdi. Həmin vaxt Millətlər Liqası çərçivəsində Başakşəhərdə yerləşən ''Fatih Terim'' stadionunda Lüksemburqa qarşı oyun 3:3-lük bərabərliklə yekunlaşmışdı.

Macarıstandakı qarşılaşma isə Budapeştdə yerləşən ''Puşkaş Arena''da oynanılacaq.

ƏLİ