“Hətta öz hesabıma olsa da belə...” – ermənilərlə oynayıb, Xankəndinə gedəcəkmi?
Dekabrın 21-də futbol üzrə ölkə kubokunun 1/8 final mərhələsinin “Qarabağ” – MOİK oyununun Xankəndi şəhər stadionunda keçiriləcəyi hamıya məlumdu.
Ötən əsrin 80-ci illərində məhz bu stadionda, ermənilərin çoxluq təşkil etdiyi “Qarabağ”ın heyətində müntəzəm meydana çıxan Munis Abdullayevin də işğaldan azad olunan şəhərə getmək hüququ var. Bəs oyunu təşkil edən qurumlardan belə təklif alıbmı? Munis Abdullayev “Football-plus.az”a bunları dedi:
“Doğrusu, hələ dəvət gəlməyib. Amma orda iştirak etmək istəyərəm. Hətta öz hesabıma olsa da belə. Hələ ki oyuna vaxt var, tələsməyək. O vaxta kimi dəvət alacağımı gözləyirəm. Oyunla bağlı təəssüratım? Nə deyə bilərəm, sadəcə, möhtəşəmdi. 35 il sonra mən ora qayıda bilirəmsə, ümumiyyətlə, azərbaycanlılar ora qayıda bilirsə, bu gözəldi”.
MİRKAMAL KAZIMZADƏ
Digər xəbərlər
