“Biz bu barədə dəfələrlə açıqlama vermişik. Klubumuza məsələ ilə bağlı hansısa məlumat verilməyib. Rəsmi informasiyanı ancaq PFL-dən ala bilərsiz. Oyunların keçirilmə yeri və vaxtı barədə detallı məlumat ancaq onlardadı. Bizdə məsələ ilə bağlı hansısa informasiya olarsa, ictimaiyyəti məlumatlandırarıq. Oyunun Xankəndində keçirilməsi ilə bağlı qərar qəbul olunarsa, “Qarabağ” klubu burda meydana çıxmağa hazırdı”.

“Mediada yazılanlarla mən də tanışam. Həmin xəbərləri oxumuşam. Amma bu dəqiqə heç kim deyə bilməz ki, Azərbaycan kubokunun 1/8 finalında “Qarabağ”la MOİK qarşılaşacaq. Bizim indiki məqsədimiz “Cəbrayıl”ı üstələməkdi. İnşallah, bu rəqibi keçəndən sonra Ağdam təmsilçisi ilə görüş barədə danışmaq olar. İndiki məqamda heç nə deyə bilmərəm. Hazırda 1-ci liqadakı və “Cəbrayıl”la oyun haqda düşünürük. Amma belə xəbərlərin çıxması bizim üçün üçqat motivasiyadı. Birinci və ən əsası Xankəndində oynamaqdı. İkincisi “Qarabağ”a rəqib olmaqdı. Çünki Ağdam təmsilçisi elə kollektivdi ki, həm 1-ci, həm də 2-ci liqada çıxış edən komandalar ona qarşı oynamaq istəyir. Düzdü, acı məğlubiyyət yaşaya bilərik. Mən öz adımdan deyə bilərəm ki, “Qarabağ”a qarşı meydana komanda çıxartmaq şərəfdi. Rəqib hazırda Azərbaycan futbolunun gözüdü. Üçüncü motivasiyamız isə MOİK-in kubokun 1/8 finalına vəsiqə qazanmasıdı”.

“Biz də mətbuatda yazılanlardan və danışılanlardan xəbərdarıq. “Qarabağ” bizi yox, rəqibini Xankəndində qəbul edəcək. Ehtimal olunan rəqiblərdən biri də bizik. Amma biz 2-ci liqa komandasıyıq. Ölkə kubokunun 2-ci təsnifatında 1-ci liqanın liderlərindən olan MOİK-lə qarşılaşacağıq. Cütün aşkar favoriti rəqibdi. Düzdü, biz də istəyərdik ki, Xankəndində oynayaq. Amma reallıq var da. Bu cütün favoriti MOİK-di. Xankəndində oynamaq ehtimalına görə əlavə güc sərf etməyəcəyik. Sadəcə, matç orda keçirilsə və biz də “Qarabağ”a rəqib olsaq, həyəcanlanardıq. Bu, tarixi hadisə olardı”.