“Antiterror əməliyyatına gərək məni də dəvət edəydilər. Akopyanı görərdim orda. Xankəndində komandanı özüm yaradacam, Munis Abdullayevi də baş məşqçi qoyacağıq (gülür). Qəbələmiz çox sevindiricidi. Mən qarabağlı deyiləm. Amma oralar üçün çox darıxmışam. Ümumiyyətlə, təklif edirəm ki, Stepanakert adını bükərək zibil vedrəsinə tullayaq. Bu şəhərin adı Xankəndidi. Mənim ən böyük arzum idi ki, şəhərimiz geri qaytarılsın, orda futbol klubu yaradılsın və rəhbəri mən olum. Əvvəllər belə klub var idi. Düzdü, o zaman 10 erməni var idi. Yeganə azərbaycanlı mən idim. İndi hamısı azərbaycanlı olar. İstəsələr, bir erməni götürərik (gülür). Doğrudan da, o stadionu yenidən görmək istəyərdim. Orda uşaqlıq xatirələrim var. Futbolla bağlı gözəl şeylər yaşamışam Xankəndində. Oteldən düşürdüm icra hakimiyyəti tərəfdən stadiona gedirdim. Stadionun özündə çox qalmışam. Maraqlı oyunlar oldu. “Kəpəz”lə matçlar maraqlı keçirdi. 20 min azarkeş olurdu. 10 mini Gəncədən gəlirdi. Gözəl günlər idi. Şükürlər olsun ki, tezliklə yenidən o stadiona gedəcəyik. Bunu bizə yaşadan əsgərlərimizə minnətdaram. Allah şəhidlərimizə rəhmət etsin. Onların ruhu qarşısında baş əyirəm”.