“Oyunçuları səhər tezdən oyatmağa çalışanda, adətən, İnyestadan başqa heç kim hazır olmurdu. Bir dəfə hətta Buskets buna görə mənə qəzəbləndi və “sən bu lənətə gəlmiş “zəngli saat” funksiyasını artıq yerinə yetirmə” dedi. Ümumiyyətlə, “Barselona”nın oyunçularıyla yola getmək çətin idi. Xüsusən də Pike ilə. Çünki o, reallıqdan uzaq olan və başqalarına yuxarıdan aşağı baxan bir insandı. Futbolçular vaxtının çoxunu oyun və əyləncə üçün ayrılmış otaqda keçirirdilər. Bir dəfə ora daxil olanda gördüm ki, saysız-hesabsız pivə şüşələri, siqaretlər və qəlyanlar var. Ertəsi gün səhər saat 7-də bəzi oyunçular yanıma gələrək hələ də onlar üçün pivə tapmağımı istəyirdilər. Yığmada birlik və dostluq ab-havasının olması haqda deyilənlər yalandı. Onlarda heç bir birlik və vətənə sevgi görmədim. İranla oyundan sonra oyunçulara birgünlük istirahət verilmişdi. Bütün komanda kiçik qruplara parçalanmışdı. Yalnız İnyesta həmin günü ailəsi ilə keçirməyə üstünlük vermişdi. Bir dəfə mətbəxdəydim və ofisiant xanımlarla söhbət edirdim. Bu vaxt bizim yanımıza Monreal, Karvaxal və De Xea yaxınlaşdı. Onlar məndən xanımları əyləncəyə dəvət etməyimi istədilər. Qaldığımız otelin qonaqlar üçün nəzərdə tutulan otağına yollandıq. Mən də getdim, çünki tərcüməçi funksiyasını icra etməliydim. Futbolçular içki və qəlyan sifariş verdilər. Bir müddət sonra Karvaxal məndən xahiş etdi ki, qızlardan birinə deyim ki, cinsi orqanını onun xirtdəyinə salmaq istəyir. Təbii ki, bunu xanıma deyə bilməzdim. Daha romantik olsun deyə Karvaxalın sözlərini ona “sizin gözəl gözləriniz var” kimi çatdırdım. De Xea həmin gecəni xanımlardan biri ilə keçirdi. Baxmayaraq ki, o artıq sonradan həyat yoldaşına çevrilən müğənni Edurne ilə münasibətdə idi. Monrealla Karvaxal isə istəyinə çata bilmədi. Onlar çox əsəbi qayıtdılar. Karvaxal bir xanımın “Real”ın oyunçusuna necə “yox” deyə biləcəyini anlamırdı”.