"Avrokuboklara şans qazanmaq üçün əlimizdən gələnin ən yaxşısını edəcəyik"
"Qarabağ" Avstriyadakı təlim-məşq toplanışı çərçivəsində "Tirol"la keçirilən matçda rəqibinə 4:0 hesabı ilə qalib gəlib.
"Football-plus.az" xəbər verir ki, Ağdam təmsilçisinin yeni transferi Zakaria Savo matçda het-trik müəllifi olub. O, oyundan sonra klubun mətbuat xidmətinə oyun barədə fikirlərini bölüşüb.
"Özümü yaxşı hiss edirəm. Yaxşı oyun oynadığımızı düşünürəm. Bir qədər yavaş başladıq. Amma ikinci hissədə yaxşı oynadıq. Vurduğum qollar üçün çox xoşbəxtəm".
Yeni mövsümə hazırlıq necə gedir?
"Bakıda hazırlığımıza yaxşı başladıq. İndi Avstriyadayıq. Yaxşı hiss edirəm. Yeni komanda yoldaşlarımla burda olmaq gözəl hissdi. Məncə, hər şey çox yaxşıdı".
Azarkeşlərə nə demək istəyərdiniz?
"Avrokuboklara şans qazanmaq üçün əlimizdən gələnin ən yaxşısını edəcəyik. Bütün azarkeşlərimizlə Bakıda görüşmək üçün çox səbirsizlənirəm".
Digər xəbərlər
