''Atamla bağlı maraqlı bir anı danışmaq istəyirəm. 2003-cü ildə ''Beşiktaş''da oynadığım dönəmdə ÇL-də səfərdə ''Çelsi'' ilə oyunumuz var idi. Qarşılaşmadan öncə ümid edirdim ki, mərkəzdən tez-tez başlamaq məcburiyyətində qalmayacağıq. Yəni o dərəcədə çətin oyun idi. Amma rəhmətlik atam ''bu matç o cür keçməyəcək, 2:0 bitəcək və hər iki qolu sən vuracaqsan'' dedi. Təbii ki, inanmadım. Bunu zarafatla söylədiyini düşündüm. Sonra həqiqətən də belə oldu. Atamın daha bir sözü var idi. ''Karyeranı bitirdikdən sonra məşqçi olacaqsan və ''Beşiktaş''ı çempion edəcəksən” demişdi. Bunu çox adam bilmir. Cəmi 2-3 nəfər şahid idi. Həm də açığı, karyeramı bitirdikdən sonra məşqçi olmaq niyyətində deyildim. Amma məşqçiliyə başladım və ''Beşiktaş'' mənim üçün tam yeni bir səviyyə oldu. İlk dəfə çempionluğa oynayan bir klubun başına keçmişdim. 2020/21-in əvvəlində köməkçilərimlə söhbət edərkən ''çempion biz olacağıq'' dedim və dərhal yadıma atamın sözü düşdü. Pandemiya dönəmi idi. Çox ağır bir mövsüm oldu. Son turlarda artıq dedim ki, bura qədər gətirmişikşə çempionluğu əldən verə bilmərik. Top fərqi ilə də olsa, o qüruru yaşamaq bizə qismət oldu. 3 böyük komandanın mübarizəsindən sonda biz qalib ayrıldıq. Mənim üçün o çempionluğun verdiyi qürurun heç bir əvəzi yoxdu. Mövsümboyu atamın sözləri mənim üçün motivasiya oldu. Bəlkə də izləyənlər inanmayacaq. Amma bunu həqiqətən də yaşadım''.