Son 10 ilin ən maraqlı mövsümlərindən birini geridə qoyduq. “Qarabağ” çempionluq mübarizəsində “Sabah”a uduzdu, başqa maraqlı hadisələr də baş verdi. İndi isə yeni mövsümə hazırlıq dönəmi başlayıb.

Misli premyer-liqasında çıxış edən klublar artıq heyətinə 16 əcnəbi qatıb. “Sabah” 3, “Qarabağ” 6, “Neftçi” və “Zirə” 2, “Araz-Naxçıvan” 3 legioneri heyətinə qatıb. Bəs gələn futbolçulardan neçəsi milli komanda üzvüdü?

“Sabah”

Eyden Makkarti. 22 yaşlı mərkəz müdafiəçisi hazırda Cənubi Afrikanın U-23 komandasında forma geyir.

Yunis Laçab. 21 yaşlı fransalı vinger milli komandada çıxış etməyib.

Junior Erivaldo Ronaldo. 26 yaşlı braziliyalı milli komandaya dəvət almayıb.

“Qarabağ”

Zakaria Savo. 26 yaşlı qambiyalı milli komanadada forma geyməyib.

Jali Muaddib. 25 yaşlı fransalı 2019-cu ildə U-19 yığmasında 3 matça çıxıb.

Samuel Lobato. 24 yaşlı portuqaliyalı milli komandaya dəvət almayıb.

Bruno Lanqa. 28 yaşlı mozambikli ölkəsinin ən dəyərli futbolçusudu. Milli komandada 37 matç keçirən sol cinah müdafiəçisi 1 qol, 6 məhsuldar ötürmənin müəllifidi. Yığmada son matçına bu il Afrika Millətlər Liqasında çıxıb.

Martin Zlomisliç. Bosniyalı qolkiperın 27 yaşı var. Milli komandada 3 matça çıxıb. Son dəfə mayın 29-da Şimali Makedoniya ilə matçda çıxış edib.

Ronaldo Sefas. 26 yaşlı yamaykalı vinger milli komandanın formasını geyir. 3 qol, 6 məhsuldar ötürmə sahibi olan futbolçu yığmada son matçını aprelin 1-də Konqo Demokratik Respublikasına qarşı keçirib.

“Neftçi”

Qustavo Klisman. 26 yaşlı braziliyalı yarımmüdafiəçi milli komandada çıxış etməyib.

Lyubomir Tupta. 2023-cü ildə debüt etdiyi Slovakiya milli komandasının heyətində 21 oyun keçirsə də, fərqlənə bilməyib. Yığmada son dəfə bu ilin martında Rumıniyaya qarşı yoxlama matçında çıxış edib.

Endryu Qravilyon. 28 yaşlı qvadelupalı mərkəz müdafiəçisi yığma komandada 19 matça çıxıb. 2 qol, 1 məhsuldar ötürmə müəllifidi. Son vaxtlar yığmaya çağrılmır.

“Araz-Naxçıvan”

Luka Dumançiç. 27 yaşlı xorvativali mərkəz müdafiəçisi U-19 yığmasında 1 matçda forma geyib.

Alberto Qarsia Fernandes. 26 yaşlı ispaniyalı U-19-da bir matça çıxıb.

Alexandro Errera. 21 yaşlı kolumbiyalı mərkəz yarımmüdafiəçisi yığmaya çağrılmayıb.

İSRAYIL XEYRULLAYEV