Belçika millisinin baş məşqçisi Domeniko Tedesko AÇ-2024-ün seçmə mərhələsinin Azərbaycanla oyunundan öncə keçirilmiş mətbuat konfransında jurnalistlərin suallarını cavablandırıb.

"Football-plus.az" xəbər verir ki, 37 yaşlı məşqçi sabahkı matçla bağlı danışıb.

- Kevin De Bruyne sabah olmayacaq. Onu necə əvəzləyəcəksiz?
- De Bruyneni birbaşa əvəzləmək mümkün deyik. “Mançester Siti”nin oyunun izləyəndə də, aparıcı deyirdi ki, Kevinin yoxluğu hiss edilir. Bizim üçün də eyni vəziyyətdir. Kollektiv şəkildə oynayaraq onun yoxluğunu hiss etdirməməliyik. Həmin mövqedə oynayan oyunçu da düzgün anda, düzgün qərarlar verməlidir. Kreativliyi də çox önəmlidir.

- Romelu Lukaku sabah oynayacaq?
- Bəli. Doğrudu, kifayət qədər məşq etməyib. Amma fərdi məşqlər edir. Sabaha hazırdır. Ona dəstəyimiz var. Komandanın kapitanıdır.

- Meydanın vəziyyəti nə yerdədir? Zədə almaq ehtimalı kifayət qədərdi?
- Şərtləri olduğu kimi qəbul etməliyik. Yaxşı ki, bir gün əvvəl gəldik, gördük hər şeyi. Tək meydanı yox, paltardəyişmə otağını da. Sabah meydanda çox enerji sərf etməliyik. Digər məsələlərə isə enerji sərf etməməliyik. Bununla bağlı bir dəqiqə danışdıq. Sonra da bağladıq məsələni.

- Lukaku 90 dəqiqə oynamağa hazırdı?
- İnanmıram. Hələ ki, 90 dəqiqə oynamaq onun üçün tezdi.

- Milli üzvlərinin toplanışdan keçməkləri nə dərəcə önəmlidi?
- Keçiblərsə, yaxşıdı. Bəziləri yaxşı hazırlıq dövrü keçib. Nisbətən az hazırlıq dövrü keçənlər də var. Ehtiyatda olan oyunçuların da təsiri önəmi böyükdü. Çünki sonradan meydana daxil olub nəticəni müsbətə dəyişə bilərlər. Avstriya ilə matçda bunu gördük.

- Sabahkı matçla bağlı düşüncələrin necədi? Asan qələbə olacaq, yoxsa necə?
- Açığı, həmişəkindən daha çox gərginəm. Müsahibələri oxuyuram, artıq çoxları deyir ki, Avropa çempionatına vəsiqəni qazanmışıq. Bu, düzgün deyil. Mənim stilimdə olmayan bir şeydi. Oyunçulara da deyirəm ki, doğru deyil, biz oyunlara köklənməliyik, qalib gəlməliyik. Azərbaycan millisini təhlil etmişik. Doğrudu, İssveçə 0:5 uduzublar. Amma girib detallara baxanda, Azərbaycan ilk yarıda daha çox topa sahib olub. Bir qol vursaydılar, başqa cür alınardı. Sabah Azərbaycan hesabda 1:0 önə keçsə, hər şey başqa cür olacaq. Onların heyətində Ramil Şeydayev kimi futbolçu var ki, istənilən klubda oynaya bilər. Mentalitet çox önəmlidi ki, nəticəni əldə edəsən.