Dünən A seriyasının 37-ci turunda ''İnter'' öz meydanında ''Atalanta''nı 3:2 hesabı ilə məğlub etdi.

"Football-plus.az" xəbər verir ki, ''Neradzurra'' bununla da mövsümü ilk ''4-lük''də bitirməyi, yəni 2023/24-də ÇL-in qrupunda oynamağı rəsmiləşdirdi. Bu, Türkiyə çempionu olacaq komanda üçün də yaxşı xəbərdi. Ölkələr üzrə mövcud əmsallara görə Türkiyə çempionu gələn mövsüm ÇL-də mübarizəyə 1-ci təsnifat mərhələsindən başlamalı idi. Amma ''İnter''in bu mövsüm həm ÇL-in finalına yüksəlməsi, həm də A seriyasında ilk ''4-lük''də qərarlaşması Türkiyə çempionunu 1 mərhələdən azad edib. Belə ki, çempion artıq mübarizəyə 2-ci təsnifat mərhələsindən başlayacaq. Zaman baxımından da Türkiyə çempionu 2 həftə irəli düşdü. Komanda ilk oyununu iyulun 11-12-də yox, 25-26-da keçirəcək.