Əfqan Həmzəyev beynəlxalq qurumun Hakimlər Komitəsinin sədri seçilib
Azərbaycan Futnet Federasiyasının baş katibi, çimərlik futbolu üzrə FİFA referisi, vaxtilə premyer-liqa oyunlarını idarə edən Əfqan Həmzəyev bir müddət öncə Ağcabədi Olimpiya İdman Kompleksinə direktor təyin olundu.
O, “Futbol+”ə açıqlamasında kompleksin digər məkanlarla müqayisədə daha keyfiyyətli işi ilə fərqlənməsi üçün bütün qüvvəsini sərf edəcəyini və paralel şəkildə başqa işlərlə də məşğul olacağını demişdi.
Bugünlərdə isə ona daha yüksək etimad göstərilib. Həmzəyev Beynəlxalq Minifutbol Federasiyasının Hakimlər Komitəsinin sədri seçilib.
"Football-plus.az" olaraq dünən əlamətdar hadisə ilə bağlı Əfqan bəyin fikrini öyrəndik:
“Öncə uğurlarımın işıqlandırılmasında əvəzsiz rolu olan və mənə həmişə söz haqqı verən “Futbol+” kollektivinə xüsusi minnətdarlığımı bildirirəm.
Mövzuya gəlincə, bəli, Beynəlxalq Minifutbol Federasiyasının İcraiyyə Komitəsinin qərarı ilə Hakimlər Komitəsinin sədri seçilmişəm. Artıq dünyada minifutbolla məşğul olan bütün hakimlərin rəhbəriyəm. Bu həm də xalqımız üçün sevincli və qürurverici xəbərdi. Çünki bir azərbaycanlının heç bir dəstək olmadan dünya səviyyəsində belə yer tutması böyük uğurdu.
Bu günə qədər dövlətimi və millətimi necə təmsil etmişəmsə, bundan sonra da eyni qaydada davam edəcəm. Bacarığıma, məsuliyyətimə, gücümə və biliyimə inanıram. Sözlərimi işimlə sübut edəcəm.
Görüləsi iş çoxdu. Hakimlər qrupu yenidən yaradılmalıdı. Bununla bağlı artıq Beynəlxalq Minifutbol Federasiyasına daxil olan ölkələrə məktublar göndərməyə başlamışıq. Onlardan hakimlərin hazırlığı ilə bağlı siyahılar tələb olunub. Bu il 5 beynəlxalq seminarın təşkili istiqamətində hərəkətə keçmişik. Təlimlərdə iştirak edən təxminən 10 ölkədən ibarət qrupları müəyyən bölgələrə yönəldəcəyik. Planlarımıza uyğun bütün qitələrdə yeniliklərə imza atacağıq. Həm ayrı-ayrı ölkələrdə, həm də regionlarda təlim-məşq toplanışları baş tutacaq. Sınaqlardan uğurla keçən, yetərli təcrübə qazanan hakimləri siyahıya alıb həm dünya, həm qitə, həm də ölkə çempionatlarını idarə etmələri üçün təşkilatlandıracağıq.
Mentorluq və hakim-inspektor sisteminin qurulması yönündə də planlarımız var. Dediyim kimi, iş həddən artıq çoxdu. Ümidvaram ki, qısa zamanda planlarımız özünü doğruldacaq”.
Mövzuya gəlincə, bəli, Beynəlxalq Minifutbol Federasiyasının İcraiyyə Komitəsinin qərarı ilə Hakimlər Komitəsinin sədri seçilmişəm. Artıq dünyada minifutbolla məşğul olan bütün hakimlərin rəhbəriyəm. Bu həm də xalqımız üçün sevincli və qürurverici xəbərdi. Çünki bir azərbaycanlının heç bir dəstək olmadan dünya səviyyəsində belə yer tutması böyük uğurdu.
Bu günə qədər dövlətimi və millətimi necə təmsil etmişəmsə, bundan sonra da eyni qaydada davam edəcəm. Bacarığıma, məsuliyyətimə, gücümə və biliyimə inanıram. Sözlərimi işimlə sübut edəcəm.
Görüləsi iş çoxdu. Hakimlər qrupu yenidən yaradılmalıdı. Bununla bağlı artıq Beynəlxalq Minifutbol Federasiyasına daxil olan ölkələrə məktublar göndərməyə başlamışıq. Onlardan hakimlərin hazırlığı ilə bağlı siyahılar tələb olunub. Bu il 5 beynəlxalq seminarın təşkili istiqamətində hərəkətə keçmişik. Təlimlərdə iştirak edən təxminən 10 ölkədən ibarət qrupları müəyyən bölgələrə yönəldəcəyik. Planlarımıza uyğun bütün qitələrdə yeniliklərə imza atacağıq. Həm ayrı-ayrı ölkələrdə, həm də regionlarda təlim-məşq toplanışları baş tutacaq. Sınaqlardan uğurla keçən, yetərli təcrübə qazanan hakimləri siyahıya alıb həm dünya, həm qitə, həm də ölkə çempionatlarını idarə etmələri üçün təşkilatlandıracağıq.
Mentorluq və hakim-inspektor sisteminin qurulması yönündə də planlarımız var. Dediyim kimi, iş həddən artıq çoxdu. Ümidvaram ki, qısa zamanda planlarımız özünü doğruldacaq”.
KƏNAN BAHADIR
Digər xəbərlər
