AFFA Hakimlər Komitəsinin yeni sədrinin adı bəlli olub.

Football-plus.az xəbər verir ki, bu vəzifəni türkiyəli Barış Şimşək idarə edəcək.

45 yaşlı mütəxəssisin təyinatı bu gün videokonfrans formatında keçiriləcək İcraiyyə Komitəsinin toplantısında rəsmiləşəcək.

Şimşək bir müddətdi Bakıdadı və AFFA rəhbərliyi ilə bir neçə görüş keçirib. O, Fritz Stuxlikdən sonra Azərbaycanda VAR-la bağlı məsələlərə nəzarət edirdi. O, hətta dünən keçirilən "Sabah" - "Səbail" matçında da iştirak edib.

Qeyd edək ki, Trabzonda anadan olan, peşəkar hakim karyerasına 1999-cu ildə başlayan Şimşək 2002-ci ildən Türkiyə superliqasının oyunlarına təyinat alıb. O, son olaraq Türkiyə Futbol Federasiyasının Hakimlər Komitəsində VAR koordinatoru və hakim işləri müdiri vəzifələrini tutub.