Bu gün Misli premyer-liqasının 28-ci turunda "Kəpəz" "Səbail"lə qarşılaşıb (1:0). Oyunun keçirildiyi Gəncə şəhər stadionunun ot örtüyü diqqət çəkib.

"Football-plus.az" xəbər verir ki, qazonun vəziyyəti bərbaddı. Yaşıl ot örtüyü saralıb, bəzi hissələrdə torpaq görünür.

Meydanın əlverişsiz olması az öncə başa çatan oyunda futbolçuların performansına və matçın baxımlılığına mənfi təsir göstərib.

Ot örtüyünə qulluq və qısa zamanda bərbad duruma düşməsi suallar yaradır. Məsələ ilə bağlı klub rəhbərliyindən məlumat almağa çalışacağıq.

KƏNAN BAHADIR