Dünən 1-ci divizionda 19-cu tura start verilib.

"Araz Naxçıvan" - "Kəpəz-2" qarşılaşması bol qolla diqqəti çəkib. Muxtar Respublika təmsilçisi növbəti darmadağına imza atıbsa, "sarı-göylər" 2-ci dövrədə ilk dəfə böyük hesabla yenilib. “Football-plus.az” saytı olaraq 0:4 hesablı məğlubiyyəıtin səbəbini "Kəpəz-2"nin baş məşqçisi Xaliq Mərdanovdan soruşduq:

"Matça pis başlamadıq. Hesab 0:0 olarkən təhlükəli epizodlardan yararlana bilmədik. 37-ci dəqiqədə isə ilk qolu buraxdıq. Buna rəğmən, təslim olmadıq, döyüşdük. Lakin ikinci hissədə oyunumuz alınmadı. Dəyişikliklər edərək hücumameyilli oyunçuları meydana buraxdıq. Amma müdafiə və yarımmüdafiədəki səhvlər həlledici oldu. 3 dəqiqəyə 2 qol buraxdıq. Ümumilikdə 2-ci hissədə rəqib 13 dəqiqə ərizdə vurduğu qollarla matçın taleyini həll etdi. Naxçıvan şəhər stadionunun qazonu da bərbad vəziyyətdədi. Məğlubiyyətə bəhanə gətirmək istəmirəm. Amma ot örtüyü olmayan meydanda oynamaq çox çətin və risklidi".

ABDULLA İSMAYILOĞLU