PSJ-nin 2021/22 mövsümü üçün maliyyə hesabatı açıqlanıb. “Football Benchmark” portalının yaydığı xəbərdə paytaxt klubunun məvacib üzrə ödənişlərə görə xərcləri xüsusi vurğulanır.

PSJ maaşlara 728 milyon avro xərcləyib. Bu, futbol tarixində bir klub üçün ən böyük məbləğdi. 2021-ci ilin yayında Lionel Messi, Əşraf Hakimi və Canluici Donnarummanın transferindən sonra PSJ-nin maaş üzrə xərcləri 45 faiz artıb. Hesabatda klubun məvaciblərlə bağlı xərclərinin 670 milyon avro təşkil edən gəlirini üstələdiyi də qeyd olunur. PSJ-nin ötən mövsümdəki itkisi 369 milyon avro təşkil edib ki, bu da futbol tarixinin ən pis göstəricilərindən biridi.