“Əzizlərim. “Yuventus”da oynayır, “Yuventus”da işləyirsənsə, yeganə hədəfin qələbə qazanmaq olur. Bunu qara-ağ futbolkanı geymək şərəfinə nail olan hər kəs bilir. İstedadlı adam lazımi qədər işləmirsə, yorulmaz əmək onu vurur. “Yuventus” dünyanın nəhəng klublarından biridi. Klubun bütün əməkdaşları nəticənin yalnız komanda halında fəaliyyətlə qazanıldığını bilirlər.
Tarix bizi qələbələrə alışdırıb, bu, bizim DNT-mizdə əksini tapıb. Biz 2010-cu ildən başlayaraq tariximizi böyük uğurlarla zənginləşdirmişik: stadion, ardıcıl 9 skudetto, İtaliyanın “Netflix” və “Amazon Prime” şirkətlərinin filmlər istehsal etdiyi ilk klubu, “J Medical” tibb mərkəzi, “J Museum” muzeyi, qadınlardan ibarət komandamızın ardıcıl 5 çempionluğu. Bunlardan başqa, “Volkswagen”lə anlaşma (bu haqda çox az adam bilir), Çempionlar Liqasının Berlin və Kardiffdəki finalları (bizim böyük məyusluğumuz), “Adidas”la müqavilə. “Yuventus” UEFA-nın İcraiyyə Komitəsində təmsil olunan ilk klublardan oldu.
Saatları, gündüzləri, gecələri, ayları və mövsümləri həmişə daha yaxşı olmaq hədəfi ilə keçirdik. Bizlərdən hər biri meydana necə çıxmalı olduğunu bilir: paltardəyişmə otağından çıxırsan, sağa dönürsən, pilləkənlə aşağıya doğru təxminən 20 addım atırsan, sonra yuxarıya doğru 10 addım atırsan və sən meydandasan. Səhnənin vahiməsi. Amma yanında mümkün olmayanı reallaşdıran komandanın olduğunu bilirsən. Avropanın hansı stadionunda meydana çıxsaq, heç vaxt qorxmamışıq, çünki vahid kollektiv kimi oynamışıq.
Birlik olmasa, bu, uğursuz nəticəyə yol aça bilər. Belə anı ağılla dəyərləndirməli, itkini minimallaşdırmalısan. Biz korporativ baxımdan incə vəziyyətlə üzləşmişdik. Artıq komandamızda birlik yox idi. Yaxşısı budu ki, yeni rəhbərliyə hazırkı vəziyyəti dəyişmək şansı vermək üçün hamılıqla istefaya gedək.
İndi onlar qarşısında “Yuventus”un tarixinə uyğun çağırış olacaq.
Mən Fridrix Nitsşenin “musiqini eşitməyənlər rəqs edərkən gördükləri adamları dəli sayırdılar” sitatından ilhamlanaraq futbolun xeyri üçün işləməyə davam edəcəyəm.
Xatırlayın, biz bir-birimizi ilk baxışdan tanıyırıq, axı biz “Yuve”nin adamlarıyıq! Sonadək...
Andrea”.