Fernandeş: “Argentinalı hakimlər belə səviyyəyə alışmayıblar”
Bruno Fernandeş Mərakeşlə oyundan sonra maraqlı məqama toxunub.
Football-plus.az xəbər verir ki, Portuqaliya yığmasının yarımmüdafiəçisi Fakundo Telyonun başçılıq etdiyi hakimlər briqadasının işindən narazılıq edib.
Onun fikrincə, 1/4 final matçına argentinalı hakimlərin təyin olunması doğru qərar deyil:“Pley-off oyununa komandası mübarizəni davam etdirən ölkənin hakiminin təyinatı çox qəribədi. Bundan başqa, argentinalı hakimlər belə səviyyəyə alışmayıblar. İlk hissədə mənə qarşı kobudluğa görə açıq-aşkar penalti verilmədi. Qapıçı ilə təkbətək qaldığım epizodda heç vaxt öz istəyimlə yıxılmaram”.
Portuqaliya millisinin müdafiəçisi Pepe də hakimliyi tənqid edib: “Mərakeş qol vurduğu üçün şanslı idi. Komanda yoldaşlarımla fəxr edirəm. Qalib gəlmək üçün çox çalışdıq. Fernandeşə qarşı kobudluğa görə penalti verilə biləcək anı görmədim. Bu mundialda qalib gəlmək şansımız var idi. Matçdan sonra bizdə belə bir hiss yarandı ki, hakimlər briqadası təkəbbürlüdü. Argentina çempion olacaq! Bu oyunda beş argentinalı hakim var idi! Başqa nə deyə bilərəm... Gəlin görək, nə baş verəcək”.
Digər xəbərlər
