Neymar beynəlxalq karyerasını başa vuracaq?
Neymar Xorvatiya ilə 1/4 final matçının final fiti çalınandan sonra göz yaşlarını saxlaya bilmədi.
Football-plus.az xəbər verir ki, braziliyanın penalti seriyasında uduzması PSJ-nin hücumçusu üçün daha bir mundial arzusunun həyata keçmədiyi demək idi.
30 yaşlı hücumçu matçdan sonra komandasının böyük məyusluğunu belə ifadə edib:
“Bu, kabus kimidi. Baş verənlərə inana bilmirəm. Bu məğlubiyyət bizim üçün uzun müddət ağrılı olacaq. Braziliyalı azarkeşlərə dəstəyə, komandadakı bütün oyunçulara isə sevgi və hörmətə görə təşəkkür etmək istərdim. Təəssüf ki, arzumuzu reallaşdıra bilmədik. Amma bu futboldu və belə də olur. İndi gəlin, evdə bu məğlubiyyətin yasını tutaq və bunun acısını çəkək…”
Neymar beynəlxalq karyerasını başa vuracağı barədə yayılan xəbərlər haqda isə bunları söyləyib:
“Düzünü desəm, bilmirəm. İndi nə isə deməyim səhv olar. Yaxşı düşünə bilmirəm. Milli komandanın qapılarını üzümə bağlamıram, amma qalacağımı da 100 faiz demirəm. Mən heç nəyə zəmanət verə bilmərəm”.
Təcrübəli futbolçu “instaqram” hesabında isə məyusluğunu belə ifadə edib:
“Məğlubiyyət hələ də çox ağrı verir. Qələbəyə çox yaxın idik. Təəssüf ki, mən hələ də uduzmağı öyrənməmişəm. Nəyisə itirmək məni daha güclü edir, amma bu, çox ağırdı. Mən isə hələ buna öyrəşməmişəm. Biz davam etməliyik... Həyat bizi incitsə belə, irəli getməyə məcburuq. Yaraların sağalması üçün vaxt tələb olunur. Bir daha Braziliya xalqına göstərdikləri dəstəyə və məhəbbətə görə təşəkkür etmək istəyirəm. Sizin üçün mübarizə apardığımızı nəzərə alanda gücümüzün 100 faizini ortaya qoyuruq. Ağrılarımıza bir az da təsəlli veririk. Qətərə hər şey üçün təşəkkür edirəm. Bu dünya çemoionatı gözəl idi. Kubok Braziliyaya getməli idi. Amma olmadı. İndi ailə və dostlarla vaxt keçirmək və enerji yığmaq vaxtıdı. Çünki bu məğlubiyyətlə yaşamaq çox çətin olacaq. Hələ də çox məyusam...”
Digər xəbərlər
