Lui van Qal Millətlər Liqasının qrup mərhələsinin Polşa və Belçika ilə oyunlarına üç yeni oyunçu çağırıb.

Niderland yığmasının mümkün debütantları arasında saçı ağarmış Remko Pasveer diqqəti xüsusilə cəlb edir. Zarafat deyil, artıq milli formada ilk matçını keçirən “Ayaks”ın qapıçısı noyabrın 8-də 39 yaşını tamamlayacaq...

Aydın məsələdi ki, o, milli komandaya dəvət almaq üçün çox uzun yol qət etməli olub. Remko 2006-cı ildə 22 yaşında olarkən gənclər arasında Avropa çempionatında 4 qolla turnirin ən yaxşı bombardiri olan Klaas-Yan Huntelaarla birlikdə qalib adını qazanıb. Bu hadisənin nə qədər uzaq keçmişdə baş verdiyini anlamaq üçün bu faktı qeyd etmək kifayətdi: həmin qitə birinciliyində Pasveerin 22 oyundaşından 18-i artıq karyerasını başa vurub. Yeri gəlmişkən, AÇ-2006-da Luiş Nani, Raul Meyreleş, Corco Kyellini, Daniel Agger, Branislav İvanoviç, Miloş Krasiç, Bakari Sanya, Yoann Qyurkuff, Matye Flamini, Artyom Milevski, Dmitri Çiqrinski və Aleksandr Əliyev kimi az-çox tanınan futbolçular da iştirak ediblər. Karyerası daha uzun müddət şəkən qapıçılardan isə Stiv Mandanda ilə Andrey Pyatovu xatırlatmaq olar.

38 yaşlı Pyatov bu yay Ukrayna yığmasındakı 16 illik çıxışını başa vurubsa, Pasveer üçün beynəlxalq macəra hələ yeni başlayır. A liqasının 4-cü qrupunda ilk 4 oyundan sonra liderlik edən Niderland yığması Polşa və Belçika ilə son matçlarda gələn ilin iyununa təyin olan “Dördlər finalı”na vəsiqə qazanmağa çalışacaq. Amma Remko üçün karyerasının qürub çağında dünya çempionatında oynamaq imkanı daha cəlbedici görünür. O, məhz indi ilin sonunda Qətərə yollanacaq vaqona atılmaq şansı qazanıb.

Van Qal hazırkı toplanışın mundiala aparacağı heyətin seçilməsi baxımından vacib olacağını bildirib:

“Bu dəfəki siyahıya bir neçə yeni oyunçu cəlb etmişik. Millətlər Liqasındakı həlledici matçların dünya çempionatında iştirak edəcək futbolçuların yekun siyahısının tərtibi üçün təsiri çox olacaq. Komandaya çağırılanlar məhz son oyunlarda nəyə qadir olduqlarını göstərməlidilər. Böyük turnirə hazırlıq üçün qalan vaxt çox qısadı. Bu səbəbdən məhdud imkanımdan maksimum istifadə etməliyəm. Hazırkı toplanışdan sonra noyabrın 14-nə qədər bir araya gəlmək şansımız olmayacaq. Noyabrın 21-də isə dünya çempionatında ilk oyunumuzu keçirəcəyik”.


Pasveer karyerasını bütünlüklə vətənində keçirib, “Tvente”, “Herakles”, “Qou Ehed İqls”, PSV, “Vitess” və “Ayaks”ın qapısını qoruyub. PSV ilə iki çempionluq qazanıb, amma bu komandada ehtiyat qapıçı statusunu daşıyıb. Ona hətta “Vitess”də Leonid Slutski də tam etimad göstərməyib. Rusiyalı mütəxəssis əvvəlcə yaşca Remkodan da böyük olan Eduardoya üstünlük verib. Ancaq Niderlandda işlədiyi ikinci mövsümdə Pasveerə əsas heyətdə şans verib. O isə Slutski istefaya göndərilməzdən əvvəl 3 matçda 2 dəfə assistentlik edib (amma onun bu məharəti komandanın məğlubiyyət seriyasına son qoymayıb).

Nəhayət, ötən ilin yayında bəxt Remkonun üzünə güldü. “Ayaks” onu təmənnasız sıralarına qatdı. Ölkə nəhəngi dopinqdən istifadə etdiyi üçün ağır cəzalanan əsas qapıçısı Andre Onananın yerinə təcrübəli əlcək sahibinə ehtiyac duydu. Amma amsterdamlılarda debüt faciəvi alındı: Remkonun yeni komandadakı ilk oyunu ölkə superkuboku uğrunda PSV ilə matça təsadüf etdi və o, sabiq komandasından 4 cavabsız top buraxdı. Buna baxmayarq, start heyətində oynamalı oldu. Ona görə ki, Marten Stekelenburq zədə aldı. Taleyin gərdişindən Pasveer Erik ten Haqın versiyasına əsasən Niderlandın ən yaxşı qapıçısına çevrildi.

Necə? Ötən mövsümün ilk 12 turunda qapısında yalnız 2 top gördü. Bu isə erediviziyanın yeni rekordu oldu. Yekunda ölkə çempionatında iştirak etdiyi 20 oyunda yalnız 4 top buraxdı. Və karyerasında 3-cü dəfə Niderland çempionu adını qazandı. Remko 2021-ci ilin oktyabrında bir oyunda Erlinq Holannın 3 zərbəsini dəf edən ilk qapıçı oldu. Nəticədə “Ayaks” Çempionlar Liqasının (ÇL) qrup mərhələsində Dortmund “Borussiya”sını 4 cavabsız qolla məğlub etdi. Bir neçə gündən sonra erediviziyada PSV də darmadağın edildi – 5:0! Amma Remkonun bəxti mövsümün sonuna yaxın gətirmədi: barmağı qırılan futbolçu yerini Onanaya verməli oldu.

Yayda bir sıra aparıcı oyunçularını satan “Ayaks” cari mövsümə əla başlayıb. Son çempion erediviziyanın ilk 6 oyununda qalib gəlib. Pasveer bu oyunlardan dördündə qapısını toxunulmaz saxlayıb. Paytaxt komandası yalnız son turda büdrəyib. “Alkmaar”a 1:2 hesablı məğlubiyyət amsterdamlıların indi liderliyi PSV ilə bölüşməsini qaçılmaz edib. ÇL-in qrup mərhələsinə “Reyncers”i darmadağın etməklə (4:0) başlayan Remkonun komandası növbəti oyunda “Liverpul”a son dəqiqələrdə buraxılan qolla uduzub – 1:2. Qəhrəmanımızın İngiltərədəki matçda 7 dəfə seyv etdiyini xüsusi vurğulayaq.

Milli komandaya ilk çağırış onun haqqı sayılmalıdı. Axı Pasveer artıq çoxdandı narıncı formada görünməyən Aryen Robben ilə Uesli Sneyderdən yaşca böyükdü…


Son xəbərlər

Qətərdə 1 bakal pivə neçəyədi?

Rafinya Roy Kinin cavabını verdi

Çempion fərqi artırdı - TURUN ŞƏRHİ

İngiltərə dünya çempionu olsa...

Nazirin nöqteyi-nəzəri

"İmişli"nin "Sumqayıt-2" sınağı - YENİLƏNİR

Region Liqasında 3 klub məğlubiyyətsiz oyunlar seriyasını davam etdirir

Addo Qana yığmasından ayrıldı

Oveçkin 1300-ə, Keyn 1200-ə çatdı, “Boston” isə...

Türkiyədə keçirilən turnirdə maraqlı nəticələr qeydə alınır

Yığmanın Avropa çempionatındakı oyunlarının vaxtı bəlli oldu

Prosineçki Azərbaycana qayıdır: Bu dəfə klubda çalışacaq - İDDİA

Roy Kin Braziliyanı tənqid etdi: "Belə olmaz"

Pol Corcun 7 oyunluq hısrəti bitdi

Son 1/4 finalçılar bəlli olur - YENİLƏNİR

Nazir idmançılarla görüşdü

"Sabah"ın futbolçusu karyerasını Türkiyədə davam etdirəcək? - Meneceri açıqladı

Alisson üçün ilk

Xorvatiyanın qeyri-adi seriyası davam edir

"O, sualı verdiyim anda üzümə zərbə endirdi" - Sebalyosla Kamran arasında niyə dava düşüb?

Azərbaycan çempionatının qarışıq komanda yarışlarına yekun vuruldu

Xorvatiya 1/4 finala belə yüksəldi - VİDEO

"Ştutqart"da yeni baş məşqçi

"Neftçi-2"dən minimalhesablı qələbə - VİDEO

DÇ-2022-də ilk

Perişiç 2-ci pilləyə yüksəldi

Lökbatanda 3 qol - VİDEO

FİFA Serbiyaya qarşı iş açıb

"Qarabağ"la oyunda son illərin ən zəif və aciz "Neftçi"sini izlədik"

"Araz Naxçıvan"dan səfər qələbəsi - VİDEO

İspaniya millisində ayrılıq

"Advokat" beynəlxalq turnirdə iştirak edəcək

Portuqaliyalılar Ronaldonu istəmirlər

Mahmud Qurbanovdan odlu-alovlu açıqlamalar: "Bizim komandanı "sındırırlar"

"Zaqatala" son dəqiqə qolu ilə büdrədi - VİDEO

Yuri Tielemans İspaniya nəhənginin hədəfində

"Azərreyl" oyunları ölkə xaricində keçirəcək

"Real"ın sabiq yarımmüdafiəçisi ilə Azərbaycan klubu maraqlanır

İspaniya mətbuatı Ronaldonun yeni klubun adını açıqladı

Lebron Ceymsdən Devisə tərif

Voleybolçumuz Macarıstanda ən yaxşı seçildi

Qapko Avropa nəhənglərinin hədəfində

Bütün xəbərlər